Sept. 13, 2012
Thawngṭha cu ka zahpi lo zeicah tiah azummi hna caah cun Pathian ṭhawnnak
hmual asi tiah mithiang Paul (Rom 1:16) nih ati bantuk in thawngṭha hi kan
zahpi lo lawng si loin kan duhtaktak aherh. Laimi hi thawngṭha nih akan sersiam
tihi elawk tha loin ahmanmi asi. Laimi kan nunnak ah fih anung i zoh aa dawhlo
ngaimi nun caan ziaza chungah cite bantuk in kan lak ah Pathian bia cu peih a
si tikah zohawk ṭha nunnak ah aser i thei tampi atlaimi nunnak ah akan hruai.
Angai ngai ti ah cun Pathian zumh,theih le i nunpi hi amah Pathian caah si loin
kan mah hi arummi nunnak lei kan kalkhawhnak ding ca tu ah asi deuh ti kha chim
ka duh.
Cu caah cun khuaza um Vawngtu tefa Pathian rianṭuantu le Pathian bia acawngtu hna zong nih Pathian Bia cu kan mission rian le kan nun a sersiamtu asi caah kan ram kan miphun nih i tleih in i nunpi pengding hi kan duh hringhran. Cu caah Vawngtu for Christ bu cu August 16, 2012 ni ah tlamtling tein thawk asi i Pathian bia kan ihrawmnak hmunah canghram seh tiah Pathian sinah thlaza cam buin chanhnak kan ngei. Pathian nih lam kan hruai sehlaw zarhfatin te Pathian bia ihrawm ṭinak ngeihkhawh peng dingin kan i zuam cang hna lai ti zong thawng kan in thanh hna.
Cu caah cun khuaza um Vawngtu tefa Pathian rianṭuantu le Pathian bia acawngtu hna zong nih Pathian Bia cu kan mission rian le kan nun a sersiamtu asi caah kan ram kan miphun nih i tleih in i nunpi pengding hi kan duh hringhran. Cu caah Vawngtu for Christ bu cu August 16, 2012 ni ah tlamtling tein thawk asi i Pathian bia kan ihrawmnak hmunah canghram seh tiah Pathian sinah thlaza cam buin chanhnak kan ngei. Pathian nih lam kan hruai sehlaw zarhfatin te Pathian bia ihrawm ṭinak ngeihkhawh peng dingin kan i zuam cang hna lai ti zong thawng kan in thanh hna.
Vawngtu For Christ timi cu vawngtu tefa hna chungin Pathian bia acawngmi
le Pathian rianṭuantu dihlak itelnak Bu asi. Vawngtu For Christ nih hin
Vawngtu khua tlangah dawtnak, hawikomhnak,remdaihnak le zawnruahnak akarh
khawhdeuhnak dingah Pathian bia in forhfialnak ngeihpeng ding hi a tinhmi asi.
Bu le tlang kong zongah asi khawh chungin remdaihnak akarhkhawhdeuhnak ding ah
aa zuam peng lai. Bawi Khrih daihnak le hnangamnak cu careltu nan dihlak cungah
tlung ko seh! Amen.
Pastor Thomas Bawi Kil Lian(VFC
Chairman)
Bossey Ecumenical Insititute
Geneva, Switzerland
