Zumtu le Dinfelnak

ZARHTENI CAANHMANNAK (Avoithumnak)

Saturday, September 29, 2012

Visit VFC at www.vawngtuforchrist.blogspot.in

Caantlaitu                      :              Val. Rico Van Bawi Lian (Kalay, Myanmar)

Thawngthachimtu       :              Rev. Biak Lian Thang (Chennai, India)

Caantlaitu Bible relnak : “….Bawipa na Pathian cu na lungthin dihlak le na ruahnak dihlak le na thawnnak dihlak in na dawt lai” (Deut 6:5).

Abiathiang kan relmi cungah Pathian nih kan zapi caah thluachuahnak kan pe piak hram ko seh. A men.

Hramthawk thlacamnak:  Kan Pathian Bawipa na fa le kan umnak cio ah, le kan tuan-kawlnak cio ah lam nan kan hruai i, na dawtnak he na kan umpi caah na cungah kan i lawm i na min kan i thangthat ko. Bawipa kan caan le kan nunnak na kut chungah kan i hlenh than ko, kan Bawipa Zisuh min thla kan cam kan Pathian. Amen.

Thawngthachimtu Tuanbiatawi:  Tuzing thawngtha a kan chimtu tu hi Rev. Biak Lian Thang (Van Siang Mang pa) a si i, a nih hi Believer Church, Vawngtu ah Church Pastor kum 8 chung a tuan cangmi a si. B.Th degree cu Yangon Gospel for Asia, Yangon ah 2003 ah a lak, i a tu hi Indian Theological Seminary, Chennai, India, ah M.Div a kum hnihnak a kai lio a si. Rev. Biak Lian Thang le Pi. Ngun Doi cu Pathian nih fapa pahnih thlachuahnak; Van Siang Mang le Tluang Ceu Hnin, a pek hna.

Thawngtha chimnak :   Atu caan ahcun Vawngtu tefa Khuaza le ramkip ah a um mi dihlak, kan zaapi, in thawngtha i hrawmtti dingin kan sawm hna. Thawngtha chimtu le thiangthlarau sawm hna uh sih.

Thawngthachimtu Tlangtar: ZUMTU LE DINFELNAK

Rev. Biak Lian Thang

Biahmaitti: Dawtmi khua mi hna nan dam cio maw? Bawipa nih Thluachuah inpe hram ko hnaseh. A hmasa bik ah caantha a kan pe tu kan Pathian a min thiang  ka thangthat, cun vawngtuforchrist le tuan vo a ngeitu nan cungah lawmhnak tampi ka ngei, Bawipa nih nan sianginn kainak le nan riantuannak ah Pathian nih thluachuah in pe hram ko hnaseh tiah thlaza kan campiak hna, cun tuchun/tuzan thawngtha a ngaitu nan dihlak cungah ka lung aa lawmtuk.

Bible thimmi: Miphun a lianngantertu cu DINNAK a si, sualnak cu mi zei miphun poah caah ningzahnak a si (Phungthlukbia 14:34).

Cathiang kan rel mi kan dihlak caah a thar in Pathian nih thluachuahnak kan pekpiak hram ko seh, Amen.

ZUMTU LE DINFELNAK

Pakhatnakah chim ka duh mi cu; Nihin ZUMTU kan nunnak ah a herh cem mi le a biapi cem mi cu, ‘DINRELNAK’ hi a si,  dinfelnak kan ti tikah Thiang Thlarau tel loin Pastor, Khrihfa upa, nu upa, mino upa, hruaitu tian kan tuan khawh ko. Pathian thiang Thlarau tel lo cun Khrihfabu chungah siseh, khua le ram chungkhar buainak an chuahpi tawn, zeicatiah Thlarua FIM chimtu an ngei lo caah si, Thiang Thlarau nih a hruai mi hna cu, an nun ah DINFEL nak le Pathian Ttih zahnak a um, Pathian cu kan sinah a um ti kha an hngalh caah si. Josef nunnak kan zoh tikah, Potifar nupi nih sualpi ding in a sawm lengmang nain Pathian a Ttihzah caah a zamtak, cucu Genesi.39 chungah kan hmuh, nihin zumtu kan nunnak ah, Pathian Ttih le DINFEL nak nun ngeih hi a biapi cem bik mi cu a si. Josef cu zei ruangah dah Izipt uktu ah a cang ti ahcun a nun ah Pathian Ttihnak le DINFEL nak atanh caah a si, DINFEL nak kan tanh i Pathian kan Ttih ahcun Pathian nih a kan cuaisan ko lai.

Pahinhnak: Judah tlangval pali nun kan zoh tikah Babilon ram chung sal tangmi hna lakah a tel ve mi an si, Nebukhanezzar siangpahrangpa nih nifa te an ei awk hnga rawl le zu cu siangpahrang cabuai i a um mi kha nan pek hna lai, tiah ati, Deniel nih cun an mah aa cawm tu le a zohkhentu sinah khan a va kal i nihra chung cu kan hneksak tuah uh ei awk ah tisik anhnah lawnglawng le din awk ah ti lawnglawng kan pe uh, cun siangpahrang nih zu le sa in a cawm mi, tlangval dang hna he khan kan muisam cu kan zohhnek tuah uh, cun nan kan hmuh ningin kan cungah rian nan tuan te lai, tiah Judah tlangval pali nih an ti hna, nihra a donghnak ah cun, siangpahrang nih zu le sa in aa cawmh mi hna tlangval hnanak in, an taksa cu a tha deuh i an tlornal deuh, a ruang cu Pathian ttihzahnak le dinfelnak an nun ah a um caah si.

Biafunhnak: Pathian bia ah kan hmuh bantuk in Josef, Denial, Judah tlangval pali hna nun kan zoh tikah an nunah DINFEL nak le Pathian Ttih zahnak nun an ngei caah Pathian nih, salsinak in BAWI dir hmunah a chiah hna, nihin kan khua kan ram, pumpak chungkhar ah DINFEL nak hi nunpi in aupi uh sihlaw Pathian nih a kan cauisan ko lai. A bia kan chim mi kan dih lak caah Pathian nih thluachuah kan pek piak hram ko seh, Amen.

Donghnak thlacam :   Kan hramthawk in kan dongh tiang lam a kan hruaitu kan Pathian na cungah lunglawmnak tampi kan ngei. Hmailei ah, atu bantuk in caantha kan hmuhthan khawhnak hnga zong kan umpi law, caantha kan pe than ko tiah, a tangmi kan caan le kan nunnak na kut thiang ap than buin thla kan cam kan Pathian. Amen.

Kan dihlak cungah a nung kan Pathian nih kan tuan-kawlnak ah thluachuahnak he lam kan hruai hram ko seh. Amen.

-------------------------------------------------------

Thawngthachimtu Pehtlaihnak:   Mobile: 8122475604

                                                               E-mail:  biaklianthang09@gmail.com