Bawi Jesuh Khrih, Na Nunnak, Jerusalem ah Aluh Ahcun

BAWI JESUH KHRIH, NA NUNNAK, JERUSALEM AH ALUH  AHCUN

Evan. Thomas Ṭial Uk (Parku Pa)

Thawngṭha chimtu Bible Thimmi: Mattai 21 : 1-11, ¹“Jerusalem khua kha an hei neih cang; Oliv Tlang i a um mi Bethfeih khua kha an phak i Jesuh nih a zultu pahnih kha hmaiah a hei thlah hna i, ² ‘Nan hmai khua ah khan rak kal u law Laa pakhat aa hrengmi nan hmuh lai i cu laa sinah cun a fate kha a um lai. Cun nan phawih hna lai i ka sinah nan ratpi hna lai. ³

Mi nih zeimaw tiin an in ti hna ahcun, ‘Kan Bawipa nih aherh,’tiah nan ti ko hna lai i an in lakter ko hna lai,”tiah a ti. ⁴Hi thil hi profet nih: ⁵“Zion fanu cu va chim u law, ‘Na siangpahrang cu nagnmah lei ah a ra lio, Amah cu mi nunnem a si i laa cu a hun i cit, Laa note a hun i cit,’va ti u,”tiah an timi tlinternak caah khan a si. ⁶Cucaah a zultu kha hmaiah cun an rak kal i Jesuh nih a chimh hna bang khan an tuah. ⁷ Laa le a fate kha an ratpi hna i an puan kha an danh hna i Jesuh cu aa cit. ⁸Mi tampi nih an puan cu lam ah khan an phah hna i a cheu nih thingnge kha an sam hna i lam ah cun an phah ve hna. ⁹A hmai i a kalmi le a hnu in a zulmi hna cu an bu ning piin an au i, “David fapa cu thangṭhat ko u! Bawipa min in a rami cu Pathian nih thluachuah pe ko she, Pathian cu thangṭhat ko u,”tiah an ti.  ¹⁰ Jerusalem khua chungah an va luh tikah an khuapi in an i tuai i, “Hi pa hi ahodah a si?” tiah mi nih khan an rak hal hna i, ¹¹“Hi pa hi Galilee ram Nazareth khuami profet Jesuh a si,” tiah mibupi nih khan an leh hna.

Kan Bawipa Jesuh hi Vawlei a um chungah sunparnak vuikhathmanh a co ballo, Mithi a thawhter hmanh ah cawnglawmtu a ngei lo, mizaw a dam terhna hmanh ah lawmh a tawnglo, dotu le soiseltu lawng a rak ngei peng ko.

Jerusalem luhaitimhliolawng ah khan Sunparnak co aitimve,cusunparnak co nak ding caahzong ah khan zeidanghmang lo in Hremrih lo mi Laathengtehmang in sunparnak co aitim.

Thlarau lei biathup: Bawipa Jesuh nih asunparnak ah hman a duh mi hna hi, fel ngai in aa ruat mi hna le miding mi ṭha ah aa ruat mi hna le Zuu din ziathiamngai in KrifaUpa hna a ṭuanpah mi le Nu upa hna a ṭuanpah mi le Mino upahna a ṭuanpah mi hlacawn hna felpah mi pawl khi asunparnak caah hman a duh hna lo, aruang cu ka fel caah ka ṭhat caah (tbk), aka hman an ti sual lai ti a phang, cucaah hrem rih lo mi, citbal lo mi, Biakinn hmanh a panh ballo, thlazong a cam ballo, Zu le saa he lawng aiciah mi thengte khi Jesuh nih a sunparnak caah hman a duh tawn hna. Halleluijah.

Mirum pa Inn tangte ah Fikfa lak le zun le ek lakah a ṭhudir tawn mi Laacu, Jesuh nih a valakter hna tikah pakhat hmanh a cawlcanglo, Jesuh sin ah an rat pi i, Jesuh he an i tawn hnu ah cun, aidawhtuk mi puan an denh i, Mirum pa kawm tang le zun le ek le hnawm lak in an chuah pi i, a tu cu Jesuh nih Jerusalem ah a sunparnak caah hman aitim cang. Halleluijah

Thlaraubiathup: U le nauhna a liamcia mi can i,Vulei Sehtanbawi inn tang ah Zuu le sa he thurhnawmhnak phun zakip lakah a ṭhudir i rim chia lak le fihnung lakah a ṭhudir tawn mi kha Jesuh he an i tawn hnu ahcun kan phulo le kan tawklo Kengdenhte an kan denh i, thluachuahthar kengdenh te a kan denh i, halleluijah ti in a au ballo mi zong kan au cang i thlacam ballo zong thla kan cam i Bawipa athangṭhat bal lo zong Bawipa thangṭhat in kan lam ve cang i a sunparnak ah a kan hman ve cang. Halleluijah.

Aliamcia caan i, Mirum pa thilphorhnak ah anu nih a kalpi tawng mi kha a tu cu Jesuh he an i tawn cang caah Jerusalem khuachung ah a nu hruaitu ah a cang ṭhan cang, aliamcia mi caan i, Zuu in lawng ah khua a sa mi kha a tu cu Krifabuu ah Hlahruaitu le thlacam hruaitu ah a cang ṭhan cang.Amen

Bawipa Jesuh nih Laa cu aicit i, Batfet khua in Jerusalem lei cu an vung zuang thluamah cang.(Luka 19 :37)

Thlaraubiathup: Dawtmi hna Jesuh nih aicit cang mi nun cu, cho lei ah siloin chuk lei zuan nun an ngei, aruang cu chuk lei ah Jerusalem a um, Jesuh nih aicit mi nun cu cunglei cuh nun siloin tang lei, toidornun an ngei, toidornun ah khin Jerusalem thluachuah a um. Amen

Jerusalem an luh tikah mipi nih an vun dawn hna, an vun cawnglawmh tikah a hmuh ba lo thil a hmuh tikah Laa kha alau ko lai, asinain, keimah ka si lo ka cung i a cuang mi Jesuh hi an rak cawnglawmh mi a si ti kha atheih tikah daite in tang lei teah a kun ko.

Jesuh nih a kan hman i a kan ci tve cio i a thluachuah ṭhar tete a kan hrawmh tikah cawnglawmhtuk an ngei lai, dawtu kan ngei lai fahniang hmanh pek sian lomi Arti pumte zong an kan pek ko lai khi lio caan ah minung lei kap cun kan lau can hna a um tawn ko lai, a sinain nangmah le keimah kan si lo, kan cung i a kan cittu Jesuh an cawnglawmh le an dawt a si caah  a mahtu sunparnak peko uh sih. Amen

Khilio ah khan Laa kha a lutung sehlaw acung i Jesuh kha a langti lai lo, asinain tang lei teah a kun peng caah Jesuh kha mi vialte nih an hmuh i, sunparnak an pek kha a si.

Kri ah ka unau hna, Jesuh nih a kancit i dawtu le cawnglawmhtu tete kan tawn tikah nangmah maw na luu tung laicih mu, nangmah na luu na tun ahcun Jesuh na phenh dih lai i, duh a nungmi Jesuh lang loin ṭih a nungmi nangmah kha minih an in hmuh ahcun an in zam tak lai, Jesuh an hmuh ahcun mi vialte nih Jesuh an fuh lai i a sunparnak an hrawmh ve ko lai. Amen

Cuticun Mirum pa Inn tang i a um tawn mi kha a tu cu Jerusalem khuapi dawh ah, Puan dawhdawh an phahpiak lawng siloin, tumhnah te kha an i put i sunparnak an rak pek cio (John 12:13).

Thlaraubiathup: U le nau hna a liamcia mi caan i Sehtan pennak tang i khua a sa i, sehtan hremnak tangah a um tawn mi kha a tu cu, Jesuh nih a sunparnak a hrawmh caah Jerusalem ah alamh ballo mi puandawh cung ah a kal cang, Puandawh par a kai cang. Halleluijah. Phundang kan chim ahcun ahruk ballo hni-puan ṭhaṭha aihruk cang, a ei ballo rawl thawthaw a ei ve cang, Jesuh cit mi si cu Jerusalem rumnak hrawmh a si .Halleluijah

Cu lawng asi lo, zeiruang ah dah Jesuh dawngtu hna nih hin tum hna theng hi an i put hnga? Haihnah asi lo, Mawngkalawnghnah zawng asi lo, Tumhnah i put in an dawn, aruang cu Tum kung hi Thing dang hna nih an khoh khawh lonak le an um khawh lonak Lungpang le Thetse ram zong ah siseh khuazei hmun poh ah Hringdildel tein hna huai can ngei lomi a si caah, Bawipa Jesuh cu Thihnak a tei i Thlan a tei i Vailam tahnak (Cross) zong a tei. Cu vialte harsatnak lakah Hringdildel tein a kho i a dir lawng siloin, cu Jesuh nih ai cit mi hna nun zong Vawlei harsatnak le thlichia tilet lakah siseh Vawlei nuamnak lakah siseh Bawipa caah zumhawktlak in kan nun i Tumkung bantukin hninghno ngai in asunparnak langhtertu kan si nakhnga caah a si. (Salm 92 :12-14; Solomon 7 :7; Ezakeal 40:16).

Bawipa Jesuh cu Jerusalem aluh le cangka in a tuah hmasat bikmi cu, Biakinn ah a kal i, achung ah chawlet le chawhrawl le phaisa thleng pawl  kha, Kapa Inn cu thlacamnak Inn a si nain Mifirkua ah nan hmancang mu a ti i athawl dih hna i athianh dih hna.(Mathai 21 :12-13).

Thlaraubiathup: U le nau hna kan Bawipa Jesuh hi Jerusalem ah a luh tikah hin mitcaw khua hmuhter le kebei kalter le thinghmui thianter lawng ah siloin, Bawipa Biakinn thianh kha ahmasat bik ah aitim. Halleluijah.

Nihin kan nunnak ah Jesuh kan cohlan i kan sawm tikah hin nangmah le keimah Pathian Biakinn ah luh in kan chung i a duh lomi thianh kha a hmasatbik ah ṭuan a timh mi a si, damnak an pek hlan ah thianh hmasat an duh, thluachuahpek an duh hlan ah thianh hmasat an duh na nunnak Pathian Biakinn kha athian hnu lawng ah taksa damnak le thluachuah lawng siloin Thlarau damnak le lawmhnak thluachuah an hrawmh lai.

Bawipa nih sunparnak co ko seh. Amen.

.....................................................................................

Thawngṭhachimtu tuanbia tawi: Evan. Thomas Ṭial Uk (Parku pa) cu kum 12 renlo Evangelist a ṭuan cang mi a si. Kum 2001 in a tutiang a rianthiangah fek tein a dirpengmi Evan. Ṭial Uk cu Chinca le holh ṭhanchonak ah bia le hla in tampi thazang a chuah zungzaltu a si i a tutiangah a hlaphanhmi a zatein 1600 renglo a si cang. Chin mi nih a ngei ve mi Evangelist minthang Evan. Thomas Ṭial Uk cu Pathian thawngṭha aupi dingin vawlei cung khuazaram a culhnak hmun pawl cu atanglei bantuk in asi.

1.      India: Mizoram

2.      India: New Delhi 

3.      Singapore 

4.      Malaysia (Voithum)

5.      Thailand (Voihnih)

6.      Australia (Voikhat)

Evan.Thomas Ṭial Uk ton na duh ahcun hasanaukmang@gmail.com ah ton khawh a si.